KASB-HUNAR MAKTABIDA TARBIYASI "OG'IR" O‘QUVCHILAR BILAN ISHLASH YO‘LLARI

Abstract

Annotatsiya: Yosh avlodga tarbiya berishdek murakkab vazifani hal etishda kasb-hunar maktablari juda katta ahamiyat kasb etadi. Ayni shu joyda yoshlarimiz ijtimoiy jamiyat va ilmiy texnika taraqqiyoti talablariga javob bera oladigan mukammal ma’lumotlarni oladilar. Maktab yoshlarining dunyoqarashlariga poydevor hamda g’oyaviy e’tiqodlari uchun negiz yaratadi, ularning irodalarini shakllantiradi, xalqimiz baxtsaodati yo’lida sidqi dildan mehnat qilishga taayyorlaydi. Shuning uchun ham mamlakatimizda qabul qilingan “Ta’lim to’g’risida”gi Qonun (2020 yil 23.09) ta’lim tizimining buguni va kelajagiga umid bilan qarashga undaydi. Hozirgi zamon maktabi tubdan yangilanmoqda. O’quvchilarga tarbiya berish, ularga ta’lim berish bilan mustahkam va yaxlit birlikda amalga oshiriladi. Ammo, tarbiyaning o’z vazifasi, mazmuni, shakl hamda uslublari bor. O’quv tarbiyaviy jarayon uzviyligi maktab oldiga qo’yilgan ehg muhim pedagogik qoidalardan biri hisoblanadi, shuning uchun ham sinfdan va kasb-hunar maktabidan tashqari tarbiyaviy ishlar bevosita o’quv jarayoni bilan bog’langandir.