O’ZBEKISTON RESPUBLIKASINING OILA KODEKSIGA GENDER TENGLIGI NAZARI BILAN YONDASHUV

Abstract

Annotatsiya: Nikoh va oila ko’plab asrlar mobaynida har qanday jamiyat ijtimoiy tuzilmasining ajralmas qismlari bo’lib kelgan. Nikoh va oila insoniyat jamiyatini takror ishlab chiqaruvchi va uning barqarorligini ta’minlovchi mustahkam ijtimoiy institutlardir. Oila eng muhim ijtimoiy muassasalardan biri bo’lib, amalda aynan u orqali gender vazifalari anglanadi va amalga oshiriladi. Oila andozalari faqat muayyan holatlar va qarorlarga bog’liq bo’lib qolmay, balki u davlat siyosatining ta’siri va quyi pog’onada jamoalarning qo’llabquvvatlashi, shuningdek an’analar, ijtimoiy qadriyatlar va iqtisodiy muhit orqali ham shakllanadi. Aynan oila biz o’zimizni erkin va bemalol tutishimiz mumkin bo’lgan va har birimiz uchun qadrdon joy bo’lib qolmokda. Oila jamiyat ko’rsatkichi bo’lib, uning ahvoli ko’p jihatdan farovonlikka va sog’lom ruhiy muhitga bog’liqdir. Oila – bu murakkab ijtimoiy muassasa bo’lib, oila ichki munosabatlari va er-xotin o’rtasidagi munosabatlarning shakllanishida ko’p narsa, birinchi navbatda, milliy madaniyat, tarixiy an’analar, ijtimoiyiqtisodiy sharoitlar, shaxs omillari bilan belgilanadi. Oila bola voyaga yetadigan asosiy makon va insoniy munosabatlar barcha turlarining o’chog’idir.