BOSHLANG‘ICH SINFLARDA MUSTAQIL ISHLARNI TASHKIL ETISH METODIKASI

Abstract

Boshlang‘ich sinf o‘quvchilarini mustaqil fikrlashga o‘rgatuvchi usullardan biri
mustaqil ishdir. Mustaqil ish mashqning faol turi bo‘lib, uni bajarish jarayonida o‘quvchilar
fikrlashga va mustaqil faoliyat yuritishga o‘rganadilar. Har bir o‘quvchining ta’lim-tarbiya
jarayonidagi faoliyati o‘ziga xos bo‘lib biri-birini takrorlamaydi. Shunday ekan ularning
salohiyatini, iqtidori, jarayonidagi harakatini bir xillikda baholash albatta noo‘rindir. Har bir
o‘quvchining nazariy bilimini va fikrlash salohiyatlarini mustaqil ishlar orqali ko‘rishimiz
mumkin. O‘quvchilarda mustaqil ishlash, avvalo, berilgan mavzuni to‘liq takrorlash, o‘qituvchi
tomonidan berilgan materiallarni muammoli tarzda bayon etish kabi yo‘llar bilan hosil qilinadi.