BOSHLANG‘ICH SINF O‘QUVCHILARINI KREATIV FIKRLASHGA O‘RGATISHDA EKOLOGIK MASALALARNING ROLI (YANGI AVLOD DARSLIKLARI ASOSIDA)

Abstract

Bugungi kunda fan-texnika jadal suratlar bilan rivojlanayotgan bir paytda ekologiyaning
buzilishi ko‘pchilikni tashvishga solyapti. Tevarak-atrofni toza tutish, inson hayoti uchun zarur
bo‘lgan tabiat ne’matlarini avaylab-asrash bugungi kunning dolzarb masalalardan biridir.
Inson tabiat ne’matlaridan foydalanar ekan, ulardan tejab, sof toza holicha kelgusi
avlodga yetkazish uchun oqilona yo‘l tutishi lozim. Shu sababdan, boshlang‘ich sinf ostonasidan
o‘quvchilarni tevarak-atrofni toza tutish, tabiat ne’matlaridan tejamkorlik bilan foydalanish,
ekologik muhitni yaxshilash yo‘lida o‘z hissasini qo‘shish tuyg‘usini shakllantirish har bir
boshlang‘ich sinf o‘qituvchisining muhim vazifalaridan biridir. Matematika darslarida matnli
masalalrni yechish jarayonida shu tuyg‘uni shakllantirish bo‘yicha ancha ishlarni amalga oshirish
mumkin.