QORAQOLPOG’ISTON SHAROITIDA SARIMSOQ PIYOZ YETISHTIRISHNI YO’LGA QO’YISH
Main Article Content
Abstract
Bizga ma’lumki kunlik ratsionimizda sabzavotlar juda muhim o’rinni egallaydi. Sabzavotlarning to’yimliligi ular tarkibidagi uglevodlar, oqsillar, yog’lar va boshqa moddalarning miqdori bilan aniqlanadi. Sabzavotlar tarkibi asosan suvdan (65-96 %) iborat bo’lib , quruq moddalar bodring, pomidor va tarvuzda – 4-7 %, ildizmevalilarda – 11-17%, faqat ko’k no’xatda – 20%, sarimsoq piyozda – 35 % gacha bo’ladi. Shuning uchun sabzavotlarning to’yimlilik qiymati yuqori emas: bir kilogram eng ko’p iste’mol qilinadigan sabzavotlarda 150 – 400 kkal yoki 600 – 1700 kJ quvvatga ega. Sabzavotlar oziq-ovqat sifatida organizmning energiyaga bo’lgan talablarini qondira olmaydi
(insonning kundalik talabi 8-17 ming kJ yoki 2-4 ming kkal). Biroq ular qo’shimcha karbon suvlari, oqsillar va moylar manbai bo’lib xizmat qiladi.