BOSHLANGʻICH TA’LIMDA SIFAT VA SAMARADORLIKNI OSHIRISHNING ASOSIY OMILLARI

Abstract

XXI asrga kelib Oʻzbekiston Respulikasi boshlangʻich ta’lim tizimida juda koʻp oʻzgarishlar amalga oshirildi. Yangiliklarning kiritilishi ta’lim sifatini xalqaro talablar darajasiga yetkazishdan iborat. Hozirda ta’lim toʻgʻrisida qabul qilinayotgan koʻplab me’yoriy-huquqiy hujjatlarning zamirida ham boshlangʻich ta’limga yangicha yondashuvni olib kirish va sifat samaradorlikni oshirish asosiy maqsad qilib belgilangan. Jumladan:

Oʻzbekiston Respublikasi Prezidentining 2022‒2026-yillarga moʻljallangan ”Yangi Oʻzbekistonning taraqqiyot strategiyasi” toʻgʻrisidagi 2022-yil 28-yanvardagi 60-sonli Farmonida qator maqsadlar berilgan boʻlib, ta’limda qator zamonaviy yangiliklarni olib kirishga qaratilgan vazifalar  belgilangan:

maktablarni rivojlantirish milliy dasturini joriy etish orqali xalq ta’limi tizimida qoʻshimcha 1,2 million oʻquvchi oʻrni yaratilishi;

davlat oliy ta’lim muassasalariga akademik va moliyaviy mustaqillik berish, shu jumladan ular tomonidan mehnatga haq toʻlash, xodimlar soni, toʻlov-kontrakt miqdori va ta’lim shaklini mustaqil belgilash amaliyotini yoʻlga qoʻyish;

2026-yilga qadar 10 ta salohiyatli oliy ta’lim muassasasini QS va TNE xalqaro reytinglariga kirishga maqsadli tayyorlash;

yoshlar uchun ochiq va sifatli ta’limni ta’minlash, ta’limning barcha bosqichlarida yoshlarning mukammal ta’lim olishini ta’minlash, hududlarda inklyuziv ta’lim rivojlanishi uchun shart-sharoit yaratish;

umumiy oʻrta ta’lim muassasalarida darsliklarni yangilash dasturini amalga oshirilishi uchun Davlat budjetidan 605 mlrd soʻm ajratilishi;

2026-yilga qadar oʻquv dasturlari va darsliklarni ilgʻor xorijiy tajriba asosida toʻla qayta koʻrib chiqib, amalda joriy etish;

maktablarda ta’lim sifatini oshirish, pedagog-kadrlarning bilimi va malakasini xalqaro darajaga olib chiqish.